Արդյո՞ք հաճախ թվում է, որ առօրյան շատ ծանրաբեռնված է, և դուք չեք հասցնում հանգստանալ: Սթրեսը մեր ժամանակների ամենատարածված խնդիրներից է, բայց կարևոր է իմանալ, որ այն հնարավոր է կառավարել։ Եկեք հասկանանք, թե ինչ է սթրեսը, ինչու ենք այն զգում մեր մարմնի և հոգեկանի վրա և ինչպես կարող ենք հաղթահարել այն։ Ինչ է սթրեսը Սթրեսը մեր մարմնի և ուղեղի բնական արձագանքն է տարբեր կյանքի իրավիճակներին: Կարճատև սթրես (acute stress): Իրավիճակային արձագանք (օրինակ՝ քննության նախօրեին կամ որևէ աշխատանքի վերջնաժամկետ)։ Երկարատև սթրես (chronic stress): Շարունակական լարվածություն, որն առաջանում է երկարատև մտավոր ծանրաբեռնվածությունից / ֆինանսական խնդիրներ, ընտանեկան կամ այլ տեսակի պարբերական խնդիրներ/։ Ինչու ենք զգում սթրես Սթրեսի հիմնական պատճառները՝ • Աշխատանքի ծանրաբեռնվածություն։ • Ֆինանսական դժվարություններ։ • Ընտանեկան խնդիրներ։ • ՛՛Անորոշ ապագայի՛՛ վախ։ Սթրեսը կարող է արտահայտվել տարբեր ձևերով. • Ֆիզիկական ախտանիշներ՝ գլխացավեր, հոգնածություն, մկանային լարվածություն։ • Հուզական վիճակի փոփոխություններ՝ անհանգստություն, գրգռվածություն։ • Վարքային փոփոխություններ՝ քնի խանգարումներ, ալկոհոլի, ծխախոտի կամ այլ հոգեակտիվ նյութերի չարաշահում, ագրեսիվ վարքագիծ։ Ինչպես կառավարել սթրեսը Մի քանի գործնական խորհուրդներ 1. Խորը շնչառություն և մեդիտացիա: Ամեն օր 5-10 րոպե շնչառական վարժություններվարժություններ կատարելը կարող է օգնել հանգստանալ։ 2. Ֆիզիկական ակտիվություն: Ամեն օր 20-30 րոպե մարզվելը կամ շաբաթական երկու անգամ զբոսնելը բնության գրկում նվազեցնում է սթրեսը։ 3. Ժամանակի կառավարում: Օրվա կամ շաբաթվա պլանավորում՝ առաջնահերթությունների սահմանման միջոցով։ 4. Սահմանափակեք անհանգստություն առաջացնող տեղեկությունները: Եթե շատ եք հետևում նորություններին կամ սոցիալական ցանցերին, դադար տվեք, հաճախ դրանք սթրեսի աղբյուր են։ 5. Դիմեք մասնագետներին: Եթե սթրեսը դառնում է անկառավարելի, դիմեք մասնագետի օգնությանը։ PsyUnity-ն այստեղ է՝ ձեզ աջակցելու համար։ Սթրեսը մեր կյանքի անբաժան մասն է, բայց այն չի նշանակում, որ մենք պետք է ապրենք դրա տիրապետության տակ։ Փոքր քայլերով և ճիշտ մոտեցումներով կարելի է հաղթահարել այն։ Հիշեք՝ հոգեբանական աջակցությունը միշտ հասանելի է, և PsyUnity-ն այստեղ է, որպեսզի օգնի ձեզ հոգեկան առողջության բարելավման և պահպանման ճանապարհին։ Մեկնաբանություններում կիսվեք ձեր մտքերով, ձեր փորձով, նշեք ձեր մեթոդները սթրեսի հախթահարման հարցում: Օգտված աղբյուրները՝ https://www.nimh.nih.gov/health/topics/stress https://www.helpguide.org/articles/stress/stress-management.htm https://www.health.harvard.edu/topics/stress