Քունը մարդու կյանքի կարևորագույն գործոններից մեկն է, որն ազդում է ոչ միայն մեր ֆիզիկական, այլև հոգեկան առողջության վրա։ Գիտականորեն ապացուցված է, որ քնի պակասը կամ խանգարումները կարող են հանգեցնել սթրեսի, տագնապի, դեպրեսիայի և բազմաթիվ այլ հոգեբանական խնդիրների։

Ինչու է քունը այդքան կարևոր! 

Քունը ապահովում է մարդու մարմնի և ուղեղի վերականգման գործընթացը։ 

Այն օգնում է մեր ուղեղին՝

 1. կարգավորել հուզական ոլորտը։

 2. վերամշակել օրվա ընթացքում կուտակված ինֆորմացիան։

 3. կարգավորել սթրեսի հորմոնների՝ օրինակ կորտիզոլի մակարդակը։

 4. ամրացնել հիշողությունը և բարելավել մտածողությունը։

Եթե բավարար քուն չենք ստանում, մեր ուղեղը դադարում է արդյունավետորեն կարգավորել հույզերն ու տրամադրությունը։

Քնի պակասի ազդեցությունը հոգեկան առողջության վրա

1. Սթրեսի և տագնապի աճ

Քնի պակասը ակտիվացնում է մեր ուղեղի «մարտի կամ փախուստի» համակարգը՝ մեծացնելով սթրեսի և տագնապի զգացողությունները։ Մարդիկ ավելի հաճախ սկսում են անհանգիստ մտածել այն բաների մասին, որոնք սովորական հանգամանքներում չէին անհանգստացնի։

2. Դեպրեսիայի և տրամադրության անկման վտանգ

Ուսումնասիրությունները ցույց են տվել, որ դեպրեսիայով տառապող մարդկանց մեծ մասը քնի խանգարումներ ունի։ Քնի պակասը նվազեցնում է «երջանկության հորմոնների» (օրինակ՝ սերոտոնինի) մակարդակը։

3. Իմունային համակարգի թուլացում

Քնի անբավարարությունը ոչ միայն ազդում է տրամադրության վրա, այլև նվազեցնում է մարմնի դիմադրողականությունը՝ զիջելով հիվանդությունների առաջացմանը և զարգացմանը, ինչը ևս կարող է վատթարացնել հոգեկան առողջությունը։

Գիտական փաստեր քնի և հոգեկան առողջության կապի մասին

Երկարատև անքնությունը մեծացնում է դեպրեսիայի զարգացման հավանականությունը 10-17 անգամ։ (Աղբյուր: Harvard Medical School)

Երիտասարդների մոտ 71%-ը, որոնք տառապում են տագնապային այս կամ այն խնդրով, ունեն քնի խանգարումներ։ (Աղբյուր: National Institute of Mental Health)

Բավարար քունը (7-9 ժամ) նվազեցնում է սթրեսի հորմոնների մակարդակը 30%-ով։ (Աղբյուր: Mayo Clinic)

Փաստ է նաև, որ առողջ քունը նպաստում է օրգանիզմի ավելորդ ճարպերի հալեցմանը, նույթափոխանակման գործընթացի բնականոն ընթացքին:

Ինչպես բարելավել քունը.

 1. ստեղծեք քնի ռեժիմ /հարկ է նշել, որ միայն 6-8 ժամ քնելը բավարար չէ, պետք է պահպանել նաև քնի ռեժիմ

 2. փորձեք քնել և արթնանալ նույն ժամերին, նույնիսկ հանգստյան օրերին։

  3. սահմանափակեք սմարթֆոնների և այլ սարքերի օգտագործումը, սմարթֆոնների և այլ նմանատիպ սարքերի կապույտ լույսը խանգարում է «մելատոնին» հորմոնի արտադրությանը, որն օգնում է քնել։

 4. միջոցներ գտեք սթրեսը թուլացնելու համար, օրինակ՝ մեդիտացիա, խորը շնչառական վարժություններ։

  5. խուսափեք կոֆեինից և ալկոհոլից, ինչպես նաև սնունդից քնելուց 2,5-3 ժամ առաջ, դրանք կարող են խանգարել ձեր մարմնի բնական հանգստացնող համակարգին։

  6. ստեղծեք հարմարավետ քնի միջավայր, համոզվեք, որ ձեր ննջասենյակը մութ է, հանգիստ և հարմարավետ՝ առանց ավելորդ աղմուկի և օդափոխված։

Քունը ոչ միայն օգնում է մեզ ֆիզիկապես վերականգնվել, այլև հանդիսանում է հոգեկան կայունության կարևոր հիմքը։ Հանգիստ ու որակյալ քունն ապահովում է սթրեսի, տագնապի և տրամադրության խանգարումների նվազում։ Եթե հաճախ եք զգում, որ հոգեբանական խնդիրները խանգարում են ձեր քնին, դիմեք մասնագետի։ PsyUnity-ն այստեղ է, որ աջակցի ձեզ։

Կիսվեք մեկնաբանություններով ձեր ունեցած խնդիրներով և գտած լուծումներով))